Aste honetan egin dugu Arrasatek heziren bateratze saioa Kulturateko areto nagusian. Bateratze saio irekia izan da eta bertan, orain arte prozesuan parte hartutako eragileetako kideak elkartu gara, 50 bat pertsona guztira.

Saioaren lehenengo zatian interes talde desberdinetatik jasotako ekarpenetatik ateratako ondorioak azaldu dira, herritarren galdetegietatik eta haur, nerabe eta gazteen saioetatik ateratakoak nabarmenduz.

Ondoren horiek prozesuan zehar burutu diren parte hartze saioetatik lehenetsitako ildo eta printzipioekin aurkeztu dira.

Lehenetsi diren hiru ildoak azaldutakoan dinamikara pasatu gara. Parte hartzaile bakoitzak hiru ildoetatik bat aukeratu behar izan du eta horrela adostu dugu zein izango den Arrasatek Heziren lehentasunezko lan ildo nagusia: hiri antolamendua.

Ondoren talde txikitan jarri eta ildo nagusiaren azpi-ildoez aritu gara.

Saioaren hirugarren atalean aurrera begirako urratsak kokatu dira eta partaide bakoitzak saioaren balorazioa egin du.

Bateratze saioari amaiera emateko, giro ezin hobean mokadutxoa egin dugu Kulturateko klaustroan.

Hezkuntza ez formaleko bigarren saioa ere egin dugu. Lehenengo saioan beste jende hurbildu da eta orokortasunetik zehaztasunerako bideari ekin diogu.

Hezkuntza formaleko saioan bezala kolektibo desberdinen 3 saioetatik jasotako ekarpenak multzokatuta aurkeztu dira eta tartean ildo horietan printzipio edo zehar-lerro izan daitezkeenak ere.

Aurkezpena eginda talde txikitan jarri eta partaide bakoitzari azaldutakoari ekarpenak  osatzeko eta 3 ildo lehenesteko eskatu zaio.

Ondoren talde txikian ildo horien adostasun maila gutxienekora iristeko ahalegina egin da eta amaitzeko talde txikietako lana beste taldeekin partekatu da.

Ez da lan erraza izan, agertzen diren ia ildo guztiek behar berebizikoa dutelako eta elkarren artean lotura handiak egin daitezkeelako.

Gaurko saioa, Hezkuntza formaleko bigarren saioa izan da. Aurrekoan bezala, jende asko hurbildu da eta orokortasunetik zehaztasunerako bideari ekin diogu.

Kolektibo desberdinen 3 saioetatik jasotako ekarpenak multzokatuta aurkeztu dira eta tartean ildo horietan printzipio edo zehar-lerro izan daitezkeenak ere.

Horiek osatzeko ariketarekin batera, 3 ildo lehenestea eskatu zaio partaide bakoitzari eta talde txikitan ildo horien adostasun maila gutxieneko batera heltzea. Ondoren, beti lez, talde txikietako lana beste taldeekin partekatu da.

Ez da lan erraza izan, agertzen diren ia ildo guztiek behar berebizikoa dutelako, baina orokortasuna lantzeko ezinbestekoa ikusi da ildoen konkreziora salto bat ematea.

Asteazken honetan, Arrasatek Heziko parte hartze prozesuaren saioa izan dugu Arrasateko eragile sozialekin. Ordu eta erdiko saioa egin da arratsaldean eta 14 pertsona elkartu gara: AED, Arrasateko Gaztetxea, Auzoko, Ekin emakumeak, Elkarhezitzen, Goieneche fundazioa, Nagusilan eta TTak gazte taldea eragilekoak.

 Hezkuntza Formaleko eta ez formaleko eragileekin egin bezala Arrasatek Hezi ekimenaren markoa azaldu eta parte hartze prozesuaren planteamendua elkarbanatzetik hasi gara. Aurretik izandako elkarrizketetan jasotako ekarpen zein ideiak abiapuntu hartu ditugu, ondoren talde txikitan horien inguruan hitzegiteko eta beste kezka zein erronkarik balego, identifikatzeko. Taldetan landutakoa, komunean jarrita bukatu dugu saioa.

Arrasatek Hezi ekimena martxan da eta atzo egin genuen lehenengo saioa Kulturateko Jokin Zaitegi gelan. Lehenengo saio honetan Hezkuntza Formaleko eragileak elkartu ginen. Arrasaten Hezkuntza Formalean dauden erakunde guztiak egon ginen bertan, langileak eta zenbait guraso tartean: Arrasate Helduen Eskolakoak, Arrasate Herri Eskolakoak, Arizmendi ikastolakoak, Arrasateko Institutukoak, Eskola Politeknikokoak eta Lanbide Hastapenekoak. Talde sustatzaileko kideekin 35 lagun guztira.

Lehenengo saioa, Arrasatek Hezi ekimenaren oinarrietara lehen hurbilpena egin, eta eragileekin aurreko asteetan egindako aurkezpen bileretan jasotakoak elkarbanatzen hasi genuen. Ondoren, dinamika baten bidez talde txikitan elkartu eta azaldutakoen inguruan sakondu genuen, ikuspegi hezitzailetik Arrasateko kezka/erronkak identifikatzen hasteko.

Orokorrean ekimena abiatzea eta saioa bera positiboki baloratu zen.