{"id":11,"date":"2012-11-26T14:55:03","date_gmt":"2012-11-26T14:55:03","guid":{"rendered":"http:\/\/www.arantzabal.com\/goiena-paperean-elkarrizketa"},"modified":"2012-11-26T14:55:03","modified_gmt":"2012-11-26T14:55:03","slug":"goiena-paperean-elkarrizketa","status":"publish","type":"post","link":"https:\/\/blogak.goiena.eus\/arantzabal\/2012\/11\/26\/goiena-paperean-elkarrizketa\/","title":{"rendered":"Goiena paperean elkarrizketa"},"content":{"rendered":"

Iban Arantzabal: “Erronkak dira Goiena herritarrekin egitea eta hiperlokaltasuna”<\/h1>\n

Eneko Azkarate<\/a><\/span><\/span><\/p>\n

\n

Goienako zuzendari nagusi izendatu berriak Goienaren eta euskarazko hedabideen oraingo eta etorkizuneko erronken gainean dihardu<\/p>\n<\/div>\n

<\/div>\n
\n

Iban Arantzabal
\n(Elgeta, 1975) da urria ezkero Goienako zuzendari nagusia, Inazio
\nArregiren ordez. Era berean, oraingo eguaztenean hedabideen aurrean
\naurkeztu den Herri Ekimeneko Euskarazko Hedabideen Elkarteko (Hekimen)
\npresidentea da. Goienaren eta euskarazko hedabideen orainaz, etorkizunaz
\n eta erronkez egin dugu berba harekin.<\/span><\/p>\n

Goienako sortzaileetako bat izan
\nzinen, Elgetako Goibeko elkarteko buru zinela; telematikako ardurak izan
\n dituzu Goienan, baita ikus-entzunezkoen atalarena, antolaketa zuzendari
\n ere izan zara. Orain zuzendari nagusi\u2026<\/strong><\/span><\/p>\n

Goienako sorreratik nago bai, proiektuak izena ere ez zuen
\n egunetik. Oso gogoan ditut eta ilusioz gogoratzen ditut Bergarako
\nkultura etxearen mahai borobilean egiten genituen bilerak. Txosten
\nhoriek urrea balira bezala gordetzen nituen, besteak beste, gure herriko
\n aldizkariaren jarraipen naturala, jarraipen hobetua eta
\neraginkorragoaren printzak zeudelako idatzita txostenotan. Orduko
\nlantaldean ikasi genuen mugimendu bakoitza adostasunez egiten eta han
\nikasitakoari jarraitu behar diogu orain. Adostasunean oinarritautako
\nkudeaketa egiten saiatu naiz beti, eta ez dut aldatzeko asmorik. <\/p>\n

Izan ere, Goienak bertako langile bat promozionatu du enpresako buru izateko. Hori garrantzitsua da, ezta?<\/strong><\/p>\n

Buru izatearekin baino gehiago identifikatzen naiz bazkide
\n izatearekin. Kooperatibista konbentzitua naiz. Goienan orain dela 12
\nurte genuena baino lan-talde sendoagoa dugu. Ikasi egin dugu eta aitortu
\n behar dut Inazio Arregirengandik asko ikasi dugula. Hori konplementatu
\ndugu kanpo ikasketekin eta horren garapen naturala izan da aldaketa.
\nBazkide pribilegiatu sentitzen naiz, bazkide mota guztiek aho batez
\nonartu dutelako zuzendari nagusi izatea. Jaso ditudan zorionak eta
\nanimoak zenbaezinak dira eta esan diet eskertzen ditudala animoak, baina
\n aholku beharra dudanean joko dudala beraien atea.<\/p>\n

Mikel Irizar eta Inazio Arregi izan dira orain
\narte Goienako zuzendari nagusiak. Ardura handia duzu orain zure gain,
\nhaiek egindako lan onari jarraipena ematen, ezta?<\/strong><\/p>\n

Biak ezagutu ditut ondo. Bien estiloa gustatzen zait,
\nnahiz eta oso estilo ezberdinetakoak diren. Espero dut bietatik
\njasotakoak balioko duela estilo propioa izateko. Hori bai, dagoeneko
\ntalde lanak garrantzi handia du Goienan, eta, hain justu, estiloa horrek
\n markatuko du. <\/p>\n

Zein da, une honetan, zeure eta Goienaren erronka nagusia?<\/strong><\/p>\n

Zuzendari nagusi izendatzeaz bat sortutako erronka batekin
\n erantzungo dizut. Michel Collonek zioen mendebaldeko kazetaritzaren
\nhelburua “neutraltasuna” mantentzea zela, baina hori iruzurra zela.
\nAstean irakurri dut Txillarre baserriko Pello Rubiori Barren<\/em>
\naldizkarian egindako elkarrizketa eta zioen “beti erdibidetik jotzen, bi
\n aldeak elkarrengana gerturatzen-edo” saiatzen zela. Neutraltasuna
\ngaitza edo iruzurra izan baliteke, erdibidetik jotzea helburua dugu
\nGoienan. Gure helburua etekin soziala da; eta ez etekin politikoa. Eta
\nlan talde osoaren egitekoa bideratuko dugu hedabideen esparrua euskaraz
\nizan dadin.<\/p>\n

Eta informazio orekatua eskaintzeaz gain? <\/strong><\/p>\n

Teknologia berriak, berrikuntza, enpresaren egiteko
\nsoziala, eraginkortasuna, aurrean egotea… asko dira, baina aipatuko
\ndut Bart Bijenens-i ikasitakoa: hiperlokaltasuna. Oker dabiltza
\ngertutasuna txokokeriarekin nahasten dutenak, oker dabiltzen moduan
\neuskalkiak txokokeria direla diotenak. Euskalkia eta estandarra dira
\nbeharrezkoak euskara biziko bada eta hedabideok biziko bagara
\nbeharrezkoak ditugu tokikoa eta gertukoa uztartzea. Guk ez dugu arazorik
\n Aldundiko kontuez jarduteko, Legebiltzarreko hauteskundeez edo dorre
\nbikiez. Guk lantzen dugun informazioak gertutasuna du oinarri, baina ez
\nderrigor modu ertsian ulertutako tokikoa. Gure bezeroek ere horixe
\nbaloratzen dute gehien, bertakotutako informazioa edo gertukoa. <\/p>\n

Hiperlokaltasunarekin batera kazetari
\ndinamizatzaileak izango dira hurrengo urratsa, ondo bidean. Hedabideak
\ndebagoiendarrekin batera egiteko baliabideak jartzea, informatzaile izan
\n gura duenarendako gero eta leku gehiago uztea eta ez bakarrik zutabeak
\nedo kartak idazteko, baita informazio orriak osatzeko ere. <\/span><\/p>\n

Ez da erraza kazetaritza…<\/strong><\/p>\n

Kazetaritzari eskatzen zaio kazetari izatea baino gehiago.
\n Eskatzen zaigu ikastolakoago edo eskolakoago izatea, eskatzen zaigu
\nbosgarren kontenedorea edo atez atekoaren aldeko aukera egitea,
\npolitikari honen menera edo bestearen besotik helduta joatea… Eta guk
\nlagundu gura dugu eta lagun izan, baina profesionaltasunez jokatzeak
\neskatzen digu honekin edo harekin ez ezkontzea gure lan jardunean. Denok
\n dugu gure idearioa, baina erredakzioko atea gurutzatzen dugun aldiro
\nprofesionalaren buzoa jantzita egiten da lan Goienan. Hori balio handia
\nda kazetariarentzat, eta baita irakurle, ikusle eta entzuleendako. Bide
\nzailena aukeratu dugu, Intereconomiako kazetariek badakite zer esan eta
\nerrazago egiten dute lan, sinesgarritasunaren kaltetan izan arren. Gure
\nparrokia askotariko debagoiendarrek osatzen dute.<\/p>\n

Hedabideen mundua etengabeko aldaketan murgilduta dago, bereziki, azken hamarkadan. Ondo moldatu da Goiena aldaketa horietara?<\/strong><\/p>\n

Goienan, gure lurraldeko beste hedabide batzuen aldean
\narkakuso edo eltxo garen arren, handien presio, kalamitate, ezintasun
\neta larritasun antzerakoak bizi ditugu. Hori bai, arkakuso izanagatik,
\nez pentsa kikilduta bizitzeko sortuak garenik euskaldunok. Gure txikian,
\n baina gure komunitateari zerbitzu ona eman gura diogu, komunitateko
\nparte izan, eta horretarako aldaketetara moldatzen jakin dugula esan
\ngenezake. Hori bai, sasoi hau ez da gora begira egoteko, aurreko
\ntropelean joateko pedalak ematen jarraitu behar da. Egingo dugu.<\/p>\n

Hedabide tradizionalak, bestalde, krisi gogorrean sartuta daude. Testuinguru horretan, zela murgiltzen da Goiena?<\/strong><\/p>\n

Krisia sumatu genuen unetik beretik egin ditugu etxeko
\nlanak, eta horrek lagundu digu. Gerrikoa estutu dugu eta gure
\negitekoa denez, efzienteagoak gara orain. Azkeneko urteotan, %23
\nmurriztu da udaletatik jasotzen duguna, esaterako, baina zerbitzua
\nhanditu eta hobetu dugu urte hauetan, digitalera salto
\ntelebistan, Interneten eta eskuko telefonoetan aurrean jarri, paperean
\nastean bi aldiz publikatu… Eta hau dena euskara hutsean eta
\ngertuko informazioa emanez. Gainera, Aldunditik eta Jaurlaritzatik
\nbultzatzen duten eredua da Goienarena, 2012an nekez jardun daiteke herri
\n hedabideekin… eskualdekora pasata asmatu genuen. <\/p>\n

Berria<\/em> ere ziztada eske. Goiena?<\/strong><\/p>\n

Guk ere, Berria<\/em>-ko lagunen antzera, erabaki dugu ez egitea cocorico<\/em> eta ez quiquiriqui<\/em>.
\n Guk kukurruku kantatuaz egiten dugu lan eta hautu konzientea da
\nGoienaren sorreratik bertatik, nahiz eta lehiatzeko muga batzuk ditugun.
\n Gainera, hor daude gure jabeak, euskara elkarteak, gure jardun
\neuskalduna ziurtatzeko. Euskal hedabideok apal gabiltza, eta, erleen
\nmoduan lan egin dugun arren, ziztadak ere eskatu beharrean aurkitzen
\ngara.<\/p>\n

Debagoieneko udalak ere ez daude egoera onenean. Zela eragin du horrek Goienan?<\/strong><\/span><\/p>\n

Badakit herriak aukeratu dituen politikariek gizarte
\nlaguntzetan-eta egingo dutela indarra, eta behar-beharrezkoa da gutxien
\ndutenei lagundu eta krisiari aurre egiteko politikei preferentzia
\nematea, baina esperotzekoa da euskarari euro bakar bat ere gutxiago ez
\nematea. Beheranzko joera jasanezina izateraino heldu da, marra
\ngorriraino. Madrilen edo Debagoienean egiten dugun hedabide estiloa ez
\nda bera eta identitatea, euskaltzaletasuna edo komunitatea zaintzeko
\nbehar dugu udalen laguntza egonkorra.<\/p>\n

Zenbateraino da garrantzitsua Goienarendako beronen komunitatea osatzen dutenak?<\/strong><\/span><\/p>\n

Komunitateko kideak dira gu bizitzeko arrazoia. Enpresa
\nsozio-enpresarialeko misio eta balioak horretara bideratuak daude,
\nkomunitate horren beharrak asetzera: euskararen normalizazioa, parte
\nhartzailea izatea, eskualdeko kohesioa, esparru ezberdinak
\neuskararendako irabaztea…  Aurrera begirako jokabideek balio behar
\ndute bazkide mota guztien asebetetasuna lortzeko, eraginkortasunean gora
\n egiteko… eta hori guztia komunitatetik da posible. Unai Iturriagaren
\nhitzek zioten moduan: “Gure baitan betiko premia bat dabil: komunika
\nkomunikatzea, komunika komunitatea”.<\/p>\n

Zela irudikatzen duzu hemendik urte batzuetako Goiena?<\/strong><\/p>\n

Ahots propioarekin eta debagoiendarrengandik sekula baino gertuago. Grinn anaien Edurnezuri <\/em>edo Txanogorritxu <\/em>interesatzen
\n zaizkit, baina Walt Disneyren filtrorik gabe. Guk debagoiendarrek
\ndiotena izaten jarraitu behar dugu, gure errealitateari muzin egin
\nbarik. Horretarako, Alberto Barandiaranen liburu baten irakurri nion
\nLorea Agirreri “gure arma ez da armada, gure arma kultura, euskara eta
\nhedabidegintza dira, eta gure etorkizuna hizkuntzari lotuta dago”.
\nGustatu zitzaidan.<\/span><\/p>\n

Gaur inoiz baino garrantzitsuagoa da Interneteko atala Goienan?<\/strong><\/p>\n

Bai, eta zentzurik zabalenean ulertuta. Gure enpresa kazetari multimediaz osatuta dago eta horren ardatza Internet da. Ez Goiena.net <\/em>bakarrik,
\n baita sare sozialak, esaterako. Bestetik, eta joera Interneten
\ngoranzkoa eta balaztarik gabekoa bada ere, papera oso maitatua da
\nDebagoienean eta animatzen ditut irakurleak Goienako klubeko bazkide
\negin eta abantaila askoren artean asteleheneko Goiena<\/em> papera etxeko buzoian jaso dezaten. <\/p>\n

Goienako hedabideak osasuntsu daudela erakusten dute beren irakurleek eta ikus-entzuleek ematen dieten sostenguak?<\/strong><\/p>\n

Bai, dugun jarraipen zabalarekin oso pozik gaude.
\nErantzukizuna dugu arlo sozialean eta transformazio sozialean sinisten
\ndugu eta egindakoa babestua dagoela sentitzen dugu audientzia neurketak
\negiten dugun aldiro. Audientziok lortzeko oso garrantzitsua izan da
\nenpresa hau autoeratua izatea eta pertsonak jartzea enpresaren
\noinarrian.<\/p>\n

Goienaren gaineko azterketa egin du aurten Aztiker enpresak. Zeintzuk izan dira ondorio nagusiak?<\/strong><\/span><\/p>\n

Ondorio birekin geratzen gara: batetik, hamar lagunetik
\nzazpik dio Goienako hedabideak pluralak direla; hau da, ez direla hara
\nedo hona lerrokatzen; bestea, Goiena eta bere hedabideak beharrezko edo
\noso beharrezko dira hamar debagoiendarretik bederatzirendako.<\/p>\n

Euskarazko hedabide lokalen elkartea indartu egin da berriki. Sektorea ari da mugitzen eta Hekimen sortu da\u2026    <\/strong><\/p>\n

Tokimomeko parte aktibo da Goiena eta sinistuta nago
\nelkarte berriak lagunduko duela hedabideak dauden lekuetan sendotzen eta
\n ez daudenetan berriak sortzen. Mugimendua sektorean ere bada eta
\nadibide berriena da Hekimen. Batu gara euskara hutsez funtzionatzen
\ndugun herri ekimeneko hedabide ez publikoak. Asko dugu konpartitzeko,
\nelkarrengandik ikasteko… eta erakundeetatik askotan eskatu zaigun hori
\n bete dugu: solaskidetza bat badute lurralde edo nazio mailako
\nerakundeek, estatutu batzuekin, zuzendaritza batzordearekin etab. Orain
\nlanerako denborak datoz, elkar ulertzekoak.<\/p>\n<\/div>\n","protected":false},"excerpt":{"rendered":"

Iban Arantzabal: “Erronkak dira Goiena herritarrekin egitea eta hiperlokaltasuna” Eneko Azkarate Goienako zuzendari nagusi izendatu berriak Goienaren eta euskarazko hedabideen oraingo eta etorkizuneko erronken gainean dihardu Iban Arantzabal (Elgeta, 1975) da urria ezkero Goienako zuzendari nagusia, Inazio Arregiren ordez. Era berean, oraingo eguaztenean hedabideen aurrean aurkeztu den Herri Ekimeneko Euskarazko Hedabideen Elkarteko (Hekimen) presidentea da. […]<\/p>\n","protected":false},"author":4,"featured_media":0,"comment_status":"open","ping_status":"open","sticky":false,"template":"","format":"standard","meta":{"ngg_post_thumbnail":0,"footnotes":""},"categories":[1],"tags":[684,667,682,683],"class_list":["post-11","post","type-post","status-publish","format-standard","hentry","category-sailkatugabeak","tag-erronka","tag-goiena","tag-hiperlokal","tag-zuzenadri"],"_links":{"self":[{"href":"https:\/\/blogak.goiena.eus\/arantzabal\/wp-json\/wp\/v2\/posts\/11","targetHints":{"allow":["GET"]}}],"collection":[{"href":"https:\/\/blogak.goiena.eus\/arantzabal\/wp-json\/wp\/v2\/posts"}],"about":[{"href":"https:\/\/blogak.goiena.eus\/arantzabal\/wp-json\/wp\/v2\/types\/post"}],"author":[{"embeddable":true,"href":"https:\/\/blogak.goiena.eus\/arantzabal\/wp-json\/wp\/v2\/users\/4"}],"replies":[{"embeddable":true,"href":"https:\/\/blogak.goiena.eus\/arantzabal\/wp-json\/wp\/v2\/comments?post=11"}],"version-history":[{"count":0,"href":"https:\/\/blogak.goiena.eus\/arantzabal\/wp-json\/wp\/v2\/posts\/11\/revisions"}],"wp:attachment":[{"href":"https:\/\/blogak.goiena.eus\/arantzabal\/wp-json\/wp\/v2\/media?parent=11"}],"wp:term":[{"taxonomy":"category","embeddable":true,"href":"https:\/\/blogak.goiena.eus\/arantzabal\/wp-json\/wp\/v2\/categories?post=11"},{"taxonomy":"post_tag","embeddable":true,"href":"https:\/\/blogak.goiena.eus\/arantzabal\/wp-json\/wp\/v2\/tags?post=11"}],"curies":[{"name":"wp","href":"https:\/\/api.w.org\/{rel}","templated":true}]}}