9. irteera: Markuleteko Garbigunera!

Garbigunerako irteera honetara Biteriko elkargunera  Gaizka Maiztegi eta Jesus Mendizabal batu zaizkigu, Arizmendi Ikastolako Tafydeko ikasleak. Hasteko, nola berotu behar den ibiltzera irten aurretik azaldu digute, eta bukaeran ere ariketak egin ditugu beraiekin .

Jose Ramon Bardeci erizaina ere gurekin etorri da, eta gripea ekiditeko aholkuak eman dizkigu (ikus irudia).

Garbigunera abiatu gara Bizkaia etorbidean dagoen igogailuan, eta Gernika ibilbidean zehar. Garbigunera iristean Luis Lombide genuen zain. Argitu dizkigu funtzionamenduaren hainbat gauza,  han jasotako materialaren birziklatzea  edo zabortegi ezberdinetara bidaltzen direla.

Herrira bueltan, Tafydeko ikasleekin muskuluak erlaxatzeko ariketak egin ditugu beraien eskolan, eta Lanbide Hastapenekoek salda bero beroa eta kroketak prestatu digute. Gure gorputzek eskertu dute, bai horixe!

Mila esker Iñaki Olalde eta bere taldeari! Baita Sasoibideko irteera aberatsagoa egiteko partaide izan zareten guztioi ere!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude