Begirada bat Joxeani. Joxean Artzeri. Berba bakunekin poema indartsuak, idazten zituen horri. Hor nonbait irakurri dut, Euskal kultura berritu eta biztu zuen artista izan dEla; eta halaxe uste dut nik ere.
Sahatsa ebaki zigutenean
paret zuri hartan
zuri zuria
zurrusta bat geratu zen
ugaria
gorri gorria
zulo koldarretik ixuria
Behin, Lekuonak ahozko literatura tradizionala maisutasunez erabiltzen zuela azpimarratu zuen eta poema horietako askok itzulpenik ez dutela gaineratu.
Maite ez duena
ez da bizi,
bizitzeko beldurrez…
Bizirik ez dago
maite ez duenarengan,
maitatzeaz baita izu
Dagoeneko klasikoak bihurtu diren kantu jakin batzuen letra idatzi zuen ere. Baina aipu edo esaldiren bat ezaguna bada, askok errazegi ahozkatzen duten hau da
Hizkuntza bat ez da galtzen ez dakitenek ikasten ez dutelako, dakitenek erabiltzen ez dutelako baizik.
Goian bego.
Gure bazterrak ( Mikel Laboa/ Joxean Artze)
