Haurren #Transexualitatea izan zuen hizpide @urhanditan telebista saioak, bigarren ekinaldian. Chrysallis elkartearen azkeneko kanpainarekin bat egin du denboran saioak. Horrek ere eragingo zuen ikus-entzuleen artean ikusmina. Izan ere, Euskal Herriko Chrysallis-ek jarritako kartelak zentsuratu egin dituzte hainbatek, Iruñean eta Gasteizen (Facebook sare sozialak ere gauza bera egin zuen, gero atzera egin badu ere, akatsa izan zela adierazita). Eta, horrek ere balio erantsia ematen dio atzoko telebista saioari: telebista publikoari dagokion funtzio publikoaz nabil. Bete-betean asmatu zuen #urhanditan saioak; asmatu egin zuen Euskal Telebistak (#datsegit baieztapena). Eta, atzoko saioak Twitter sare sozialean eragin zuen sokak ere aitortu zion Euskal Telebistari dagokion funtzio sozialarekin bete zuela; horrela aitortu zion audientziak.
Telebista publikoa gizartearen zerbitzura, ondo eginda @euskaltelebista #UrHanditan
— Eneko Fernandez (@enekogara) January 17, 2017
Hau da @euskaltelebista-ri eskatzen dioguna. Bere erantzukizuna ere bada. Zorionak, eta halako asko egiteko ausardia! https://t.co/xF77LSsf6a
— Gorka Salces (@gorkasalces) January 17, 2017
Hau da behar dugun kalitatezko telebista publikoa. Gai sakonak, goxo tratatuak eta euskara normaltasunez #UrHanditan
— Eneko Maioz (@emaioz) January 17, 2017
#UrHanditan audientzien gainetik iraun beharko zukeen saioa zen eta da. Zorionak lantalde berriari. Bikaina gaurkoa @XMadariagaI
— Igotz Alkorta (@Igotzalkorta) January 17, 2017
#Socialtv edo #AudientziaSoziala
#urhanditan saioaren bigarrenak sekulako audientzia soziala izan zuen. #umap-en arabera, azken 24 orduko joera izan da:
Azken 24 orduetako joerak: #urhanditan #SaraAskatu #Donostia #patxisequeda #PatxiEzDoa https://t.co/IPdgLjggn6 #umap #euskalTT
— Umap Euskaraz (@umapEU) January 18, 2017
Eta lehenengo asteko zenbakiekin alderatzea besterik ez dago atzoko saioaren arrakasta sozialaz jabetzeko:
Iturria: https://www.tweetbinder.com
| 2017/01/10 | #URHANDITAN | 2017/01/17 |
|---|---|---|
| 46 | TXIOAK | 628 |
| 22 | ERABILTZAILEAK | 224 |
| 203.289 | INPRESIOAK | 1.379.262 |
| %61 | BERTXIOAK | %71 |
SocialTVn erabiltzen diren erremintek euskara ezagutzen ez badute ere, Keyhole neurgailuak egin du irakurketa semantikoa eta txiokatutako mezuen positibotasunaren gutxieneko argazki bat behintzat eskaini digu:
Iturria: http://keyhole.co/
- Hemen Tweetbider plataformak eskainitako #urhanditan traolaren analisia.
- Saioa berriz ikusteko aukera badago #eitbnahieran leihoan.
