Etiketa honen artxiboa: gasteiz

Eztarria-motorra berotzen


Bi urte pasa dira azken kontzertua egin zutenetik Katamaloko lagunek. Bihar Jimmy Jazz aretoan izango dira (Gasteiz). Bitartean motorra berotzen myspace-n daukaten tokian beraien kantak entzun behar.


Zehatz mehatz Gotzon Barandiaranen poema musikatuak dira Bihotz Bakartien Klubeko egiten dutena. Plazer bat horrelako ekimenak aurrera eramaten direla ikustea eta, noski, zuzenean bizitzea. Gainera jendeak eskatzen zion zerbait zen. Eta publikoak ez dio defraudatuko taldeari. Dagoeneko Donostia eta Bilboko emanaldiko sarrerak agortuta daude.


Jimmy Jazz aretoa


Ez da lehen aldia Jimmy Jazz-en egongo naizena. Harrigarria badirudi ere eta ikasturte asko eman ditudan arren Gasteizen (5 uste dut, oker ez banago) Jimmy Jazz-era behin soilik joan naiz. Uste dut Gasteizera iritsi nintzen garaian (2005eko irailean???) Azkena deitzen zela.


Bizardunak talde nafarra egon nintzen ikusten. Saio polita egin zuten. Bigarren diskoaren aurkezpenaren biran sartuta zeuden. Kontzertu entretenigarri batean lehen eta bigarren diskoko kantak entzuteko parada izan genuen.


Aretoa saio familiarrak egiteko egokia iruditu zitzaidan. Eszenatokia ondo kokatua, audio ona… Bihar uste dut berriro musikaz eta literaturaz eta poema musikatuez eta… gozatzeko aukera izango dudala.

Alde ilunean bidaiatzen

Normal
0

21

false
false
false

ES
X-NONE
X-NONE

MicrosoftInternetExplorer4


/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;}

Gasteizko tranbia ia egunero erabiltzen dut.
El Pilar auzotik hiri erdialdera joateko dagoen garraio publikorik hoberena da.

Tamalez agintariek ez dute begi onez ikusten.
Ez dela errentagarria diote. Ondorioz etorkizunean Patxi Lopezen gobernuak ari
dira jada pribatizatzeko ideiarekin (uste dut hurrengoek ere iritzi bertsukoak
izango direla), bai garraio mota hau baita ere garraio publiko osoa ere (ez
bazegoen nahiko pribatizatua).

Baina erreforma bortitz hauek gauzatu baino
lehen biztanleei pixkanaka sartzen digute pribatizazioa garraio honetan. Dirua
beharrezkoa denaren aitzakiarekin tranbia era askotako publizitatez estaltzen
dute: supermerkatuak, telefono mugikorreko konpainiak, udaletxeko propaganda…

Pasa den astean zerbait harrigarria ikusi nuen
tranbia hauetan. Alderdi Popularreko iragarkiarekin jantzi zituzten zenbait
bagoi. Gauzak oso gaizki egon behar dira kontuan izanda Gasteizko Udaletxean
eta Eusko Jaurlaritzan nork agintzen duen ikusita… beno bale, ongi pentsatuta
normala da Alderdi Popularraren iragarkia ikustea garraio publiko bat
estaltzen.

Oraindik ez dut aukera izan hauetan joateko
baina zenbait galdera morboso egin dizkiot nire buruari. Tranbia horietan
sartzea Luke Skywalker bezala sentituko gara Heriotzaren Izarraren barnean?
Alde ilunera pasako gara eta Espainiar konstituzioa hil arte defendatuko dugu sexu
berdineko elkarketak debekatuz? Pixka bat morboa ematen dute erantzun
posibleek, bitartean tentaziotik at mantenduko naiz.

Agian datorren astean izaeraz beste pertsona
bat izan naiteke… bizarra eginda, ilean gomina badaukat, traje eta gorbatarekin
ikusten banauzue eta lepo inguruan puntuko jertsea badaramat jakin ezazue
bizitzako alde ilunera jauzi egin dudala. Zergatia? Emaiozue buruari buelta
batzuk…

Altxorrak larunbat gauetan


Azken aldian ez naiz gauetan
kalera ateratzen. Ordenagailu aurrean igarotzen ditut eguneko azken
momentuak ohera joan aurretik. Batzuetan ordu txikiak arte (jende oso
interesgarria aurkitu daiteke ordu horietan sarean barrena). Hori
osasungarria den, fisikoki eta mentalki, beste egunen batean
eztabaidatuko dugu.

Lehengo larunbatean Gasteizen
geratu nintzen. Igandean ez nuenez ezer egitekorik lasai asko geratu
ahal nintzen ordenagailu aurrean baita hurrengo egunean prisa gabe
iratzarri. Gaueko momentu horietako batean ordenagailuko idazmahaia
arakatzen nenbilela musika lista bat gordeta nuela aurkitu nuen.
Sorpresa galanta eraman nuen artxibo hori ireki nuenean. Hilabete
ugari neraman hango kantuak entzun gabe. Gehienak oroitzapen onak
ekartzen zizkidaten (LorZure doinua -, The KillerAll These
Things that I´ve Done
-, Bide Ertzeannon dira-,…). Zabor
pixka bat ere bazegoen (TATU eta UPA Dance adibidez). Orokorrean
oroitzapen positiboak ekartzen zizkidaten kantuak ziren.

Harrigarriagoa izan zen
beranduago gertatu zitzaidana. Disko gogorreko artxiboak arakatzen
nire eboluzioaren argazkiak aurkitu nituen, benjamin mailatik orain
dela hiru arteko lau-bost bat testigantzarekin. Dokumentu horiek Top
Secret
bezala kalifikatuko ditut eta urte askotan ez ditut
argitara emango nire ingurukoen artean (batzuetan maltzurkeria maila
igo egiten zait, batez ere larunbat gauetako ordu txikietan).

Baina harrigarriagoa atzo
gauean gertatu zitzaidana. Ordenagailu aurrean egon ordez telebista
aurrean nengoen. Azken kate aldatzea egiten ari nintzen ohera joan
aurretik. Gaueko hamabiak iristeko minutu gutxi falta ziren.
Horrelako batean LTDko kanal horietako batean pelikula bat bota behar
zutela iragarri zuten: Regreso al Futuro III. Mitikoa. Nire
ustez ikusi beharreko pelikula. Egia da ez dela goi kalitateko
zinema. Publiko gazte bati zuzendutakoa dela baina gidoi aldetik
bikaina da. Gainera Delorean autoa esaten badugu zuzenean lotzen dugu
trilogia horrekin marka hori.

Noski. Geratu egin nintzen
ikustera. Erabaki erraza izan zen. Gainera pelikula horrek amaiera
duin bat ematen dio triologiari. Michael J. Fox bere osotasunean
ikusteko aukera izan genuen pelikula horietan. Uste dut, badakit
atrebentzia handia izango dela, 90. hamarkadako Michael J. Fox XXI.
Mendeko Jack Black dela. Baina horri buruz hitz egingo dut beste
egunen batean.

Orain astebete itxaron
beharko dut beste altxorren bat aurkitzeko… edo lehenago aurkituko
dut???

Bizitzako pasarte arraro batzuk (II)


Situazio baten berri ematera
noa (berriz). Euskal Herriko Unibertsitateak Arabako kanpuseko Koldo
Mitxelena liburutegian gertatu da (bai irakurleok, liburutegiak eta
zerbitzari batek dugun harremana maitasun-gorrotozkoa dela dirudi).

Iraila hasieran abuztuan
maileguan hartu nituen liburu batzuk itzuli nituen. Zoritxarrez nire
intereserako itzul egunetik kanpo. Horrek zer suposatzen zuen? Isuna.
Ezinezkoa egingo litzaidake liburuak maileguan atera handik egun
batzuetan. Atzeratutako egun bakoitzarengatik bi eguneko isuna
jartzen dute (gutxi gora behera hamabost-hogei eguneko atzerapena
pilatu nuen). Banekien isuna oso handia izango zela eta ez nuen
galdetu zenbatekoa zen lotsarengatik. Aukera nuen etxean web orriaren
bitartez horren jakitun izatea.

Astebetera gutxi gora behera
ausartu nintzen begiratzen ea zenbatekoa zen nuen isuna. Nire
harridurarako liburuak hartzeko baimendua nengoela adierazten zidan
Euskal Herriko Unibertsitateko bibliotekaren atariko katalogoak.
Pentsatu nuen lehen gauza izan zen udatik etortzerakoan amnistia bat
bezala ezarri zidatela eta isuna (aitortu beharra daukat merezita
nuela) barkatu egin zidatela.

Beraz panorama honen jabe
eginda, nahiko ilusionatua liburutegira bueltatu nintzen eta
bizpahiru alerekin egin nintzen. Zein izan zen nire sorpresa
maileguan hartzera saiatu nintzenean. Mostradoreko emakumeak esan
zidala urriaren hirura arte ezin nuela libururik hartu!!!

Baina harrigarriagoa dena
gaur gertatu zaidana izan da. Bi emakume zeuden mostradorean. Biak
leku horretan berriak uste dut, edo gutxienez nik ikusi gabeak.
Kuriositatearengatik edo bigarren iritzi bat nahi nuelako (bigarren
teoria honek indar gehiago izan dezake egunaren orduaren arabera)
galdetu diet ea noiz arte ezin nuen hartu libururik. Nire
harridurarako esan didate ez nuela isunik!!! Eta situazioa pixka bat
azaldu diet nahiko labur. Adierazi diet lankideak esan zidala
datorren hilabeteko hirugarren egunera arte ezin nuela hartu
libururik. Sakonago aztertu dute kasua eta gauza arraro bat agertu
zaie: leku batean aipatzen zuela isunik ez nuela (bibliotekako
katalogoan) eta beste lekua batean isuna banuela (beraien
ordenagailuko datu basean edo antzerako programa informatiko batean).
Zorionez isuna kenduko didatela esan dezaket eta X espedientea
telesaileko gidoi baten antza duen kasu hau aztertuko zutela agindu
didate (agian erantzun gabeko galdera bat sortu du kasu honek –
nonbaitetik zaintzen gaituzte???).

Istorio polit baten puntu eta jarraia


Hogeita lau ordu inguru igaro
dira atzo Distantzia Luzeko Europako Triatloi Txapelketan nire parte
hartzea amaitu dudanetik. Denbora izan dut gogoeta batzuk egiteko eta
jarraian han igarotako azkeneko egunen inguruan idatziko dut.

Ostirala. Egun bat falta

Deskantsu eguna. Ondo lo egin
genuen. Gosaldu eta pixka bat irakurri ondoren Buesa Arenara hurbildu
ginen bazkaltzera. Han parte hartzaileontzat bazkari bat zegoen
probaren agendaren baitan. Zorionez pisukidea eramateko aukera izan
nuen. Handik Landara gerturatu ginen bizikleta hango boxes-etan
uztera. Ondoren Buesa Arenara bueltatu ginen hango boxes-etan
korrikako zapatilak uztera. Guzti hori egin eta gero etxera. Ongi
afaldu eta ohera hurrengo egunean goizeko seietan alarmak joko
baitzuen.

Larunbata. Txapelketa
eguna, D eguna

Goizeko seiak eta gosaltzera
ekin nion. Ongi elikatu nintzenez aurreko egunetan gosari normal bat
egin nuen: yogurra zerealekin, pare bat tostada eta platano bat.
Txapelketara bidean litro erdi ur hartuko nuen ongi idratatzeko.
Landara goizeko zortziak inguruan iritsi ginen. Jende ugari bildu zen
baina batez ere Hiru Handien lasterketako bigarren etaparen amaiera
han zelako. Kasualitatea.

Lasterketa hasi baino ordu
erdi lehenago bizikleta utzi genuen lekura joan ginen. Guztia ondo
zegoela ziurtatu eta uretatik irtendakoan jantzi behar nituenak utzi
nituen nire bizikletaren inguruan.

Gizonezko elite maila goizeko
bederatzietan abiatu zen. Bost minutu beranduago emakumezko elite
maila eta bederatziak eta hogeietan gu. Julen Kortabarria, Oñatiko
Triatloi Taldeko kidea, irteera berdinean abiatu zen. Igeriketa
nahiko garbia izan zen, ez ziren kolperik egon gure artean.
Berrogeita hamar pertsona inguru irten ginen eta laku guztia genuen
guretako. Uretatik sentsazio oso onekin irten nintzen. Ordubete eta
hiru minutu. Bizikleta hartu eta aurrera. Lehenengo ehun kilometroak
hiru ordutan burutu nituen baina hor hasi zen sufrimendua. Edaria
sartzen zitzaidan baina ez zidan onik eragiten. Botaka egiteko gogoak
gero eta handiagoak ziren. Agurainetik Gasteizera ez nuen oso ondo
igaro baina bizikletako sektorea amaitzea lortu nuen. Korrikako
lehenengo kilometrotan gorputzak erantzun zidan baina bigarren anoa
gunetik hirugarrenera benetako infernua pairatu behar izan nuen.
Bostgarren kilometroan gorputzak gehiago ezin zuela esan zidan. Hor
amaitu zen zoritxarrez nire lasterketa. Uste dut erabakirik onena
hartu nuela. Nire osasunarentzat uste dut onena egin nuela. Buruak
kontrakoa esan arren. Zorionez Julen Kortabarria taldekideak amaitzea
lortu zuen eta han egin nituen lagun batzuk ere beraien helburua
lortu zuten.

Gogoeta eta eskerrak
emateko garaia

Lehenik eta behin eskerrak
eman nahi diet bidai honetan alboan egon diren guztiei eta Buesa
Arena ingurura animatzera hurbildu zirenei, ezin zirenei egon,
hilabete hauetan behin edo beste animoak eman didatenei, beti hor
egongo direnei… Esperientzia oso ederra bizi izan dut, amaiera ona
lortu ez arren. Ikasteko asko balioko dit honek. Berriro profesional
bat bezala bizitzea aste oso batean agian ez zait suertatuko:
lasterketa gunean kontzentratu, entrenamenduak burutu eta deskantsua
zaintzeaz soilik arduratu, Europako triatletarik onenekin lasterketa
batean parte hartu… Ziurrenik berriro errepikaezina izango da,
horregatik gozatu dut zazpi egun hauetan zehar.

Sasoi onean nengoen baina
zoritxarrez korrikako lehenengo kilometroetan gorputzak gelditzeko
esan zidan. Espero nuen sufritzea, agian korrikako azken biran baina
hain goiz… Horregatik uste dut gaztea naizela, esperientzia honetan
asko ikasiko dudala eta hurrengo batean ziur lortuko dudala
distantzia hau menperatzea.

Besterik gabe, ESKERRIK
ASKO.

2 egun falta

Normal
0

21

false
false
false

ES
X-NONE
X-NONE

MicrosoftInternetExplorer4


/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;}

Guztia
prest

Hasi da dagoeneko triatloiaren festa
Gasteizen. Gaur goizean igeri egin ostean Buesa Arena pabiloi ingurura hurbildu
naiz dortsal eta arropen bila. Lehenengoak eman dizkidate jada, bigarrena
itxaron egin beharko dut pixka batean (ez dut giro txarrik sortu nahi eta
horregatik aste honetan ez naiz sartuko oraindik polemiketan. Hori
astelehenetik aurrera izango da. Ondoren korrika pixka bat, dutxatu eta bazkari
eder bat prestatu dut.

Kafea hartu dudan bitartean pixka bat
irakurtzen egon naiz. Literatura arina. Fuera
de serie
, El terrat taldeko
gidoilariek egindako ipuinez osatutako liburua. Telebista ikustea baino askoz
ekintza hobeagoa, munduko futbol txapelketak lekua hartua dauka komunikabide
honetan. Bizikleta ere prest utzi dut, soilik gelditzen zait bihar Landara
eramatea arratsaldean eta han uztea larunbateko txapelketarako.

Bihar deskantsu eguna. Goizean jaiki, ondo
gosaldu, pixka bat irakurri (agian egunkaria erosiko dut) eta eguerdi aldera
berriro Buesa Arenara han jaten emango baitigute parte hartzaileei. Gero
Landarara eta goian aipatu bezala bizikleta hango lakuaren alboan utziko dut.
Ondoren berriro itzuli beharko gara Buesa Arenara korrika egiteko materiala
uztera eta etxera deskantsatzen jarraitzera.

Tamalez guztiak ez dira berri onak. Atzo
enteratu nintzen taldekide batek istripua izan zuela entrenatzen zuen bitartean
bizikletan eta Oñatiko Triatloi Taldeko kide guztiok sentimendu kontrajarri bat
daukagu. Hainbat lekutan lehiatuko gara aste bukaera honetan: Gasteiz,
Donostia, Buelna, Niza… Baina OTTko kide guztiok pertsona hau buruan izango
dugu eta lortzen dugun emaitzaren zati bat berari dedikatuko diogu.

3 egun falta

Normal
0

21

false
false
false

ES
X-NONE
X-NONE

MicrosoftInternetExplorer4


/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-fareast-font-family:”Times New Roman”;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;}

Eguzkia
eta beroa

Hori da eskatzen egon naizena hasieratik proba
hau egiteko. Banekien nolakoa den ekaina Gasteizen (egia da eguraldiaren
aldetik denetik egiten duela baina beroa ohikoa izaten da hilabete osoan zehar).
Horregatik probaren egunean klima horretara ohituta egoteko egiten nituen
entrenamenduak nahiago nituen beroarekin egitea freskurarekin egitea baino.

Aitortu beharra daukat nahiago dudala hotza
beroa baino baina kontutan egonda ze egoeratan egongo garen larunbatean
mentalizatu egin naiz aurten eguraldi beroak eta eguzkiak on egingo zidala.
Gainera Eneko Llanos-ek bere twitter kontuan aipatu zuen eguraldia ez zegoenez
bere kontrolpean egiten zuen eguraldia eginda ere berdin gozatzen zuela txapelketetan.

Atzo iritsi nintzen Gasteizera eta
arratsaldean bero egin zuen. Gaur goizean ere jaiki eta kalean eguzkia nagusi.
Itzaletatik joan behar gara bestela izerditan urtuko gara. Aurreikuspenek
esaten dute ez duela hotz egingo, 26 graduko maximak izango ditugula eta
euririk ez duela egingo larunbatean. Beraz eguraldi bikaina Europako txapelketa
bat ospatzeko.

4 egun falta


Gasteizera

Gaur noa Gasteizera. Lagun on
baten etxean hartuko dut ostatu eta igandera arte Erkidegoko
hiriburuan egongo naiz. Aste honetako entrenamenduak finkatuta ditut,
ez dira oso gogorrak izango sentsazio onak bilatzeko balioko dute
eta. Bihar, etzi eta ostiral goizean igerilekura joango naiz. Bihar
arratsaldean gainera bizikletako ibilbideari bira bat emango diot eta
ostegun arratsaldean korrika pixka bat, ordu erdi inguru edo. Ikusten
duzuenez agenda beteta eta lotuta daukat. Gainera lehiaketa
ostegunean hasten da dortsalak egun horretan jasoko ditut. Bizikleta
ostiral arratsaldean utzi beharko dut Landako boxes-etan eta
korrikako zapatilak Buesa Arena inguruan. Guztia prest larunbateko
txapelketarako.

5 egun falta


Errepasoa denboraldiari

Aurten ez ohiko denboraldia
izan dut. Hasieratik garbi nuen udan ez nuela lan egin nahi ekainetik
irailera arte arrazoi pertsonalengatik (azkenean egingo dut baina
soilik uztailaren lehenengo hamabostaldian beste arrazoi batzuk medio
eta ez ditudanak aipatu nahi irakurlea ez aspertzearren). Nire
denboraldiko helburu nagusia triatloietan parte hartzea zen, iaz bat
bera ere ez nuen egin batez ere udan lan egin nuelako eta aurten gogo
ikaragarriak nituen hauek gauzatzeko gainera itxaron listan sartu
nintzenean Europako txapelketan parte hartzeko gogo horiek are
gehiago bizitu ziren.

Beraz entrenamenduak ere
berandu hasi nituen, otsaileko azterketan ondoren. Adibidez Oñatiko
duatloia ez nuen egin baina hala ere asko gozatu nuen bertako
antolakuntza lanetan, ez nintzen erabaki horretaz damutzen.

Ez nuen duatloirik egitea
nahi iaz nahiko erreta bukatu nuelako hauetan parte hartzen baina
Iruña ondoko herri batean bat oso erakargarria ospatzen zen eta ezin
ezetzik esan. Apirilaren 11ean izan zen. Distantzia motzeko Egesibar
ibarreko duatloia drafting-a debekatua zuena (hau da, ezin bizikleta
ezin ginen aurrekoaren gurpilera itsatsita joan). Polita izan zen,
korrika poliki egin arren oso gustura amaitu nuen lasterketa, gainera
familiako hainbat kide hurbildu ziren ikustera eta helmugako
zuzengunean aukera izan nuen beraiek lasai asko agurtzeko
helmuga-marra gurutzatu aurretik.

Hurrengo hilabetean
triatloien festa hasi zen. Maiatzaren 1 eta 2an Senpereko aintziraren
inguruan larunbatean taldekako triatloia sprint distantzian eta
igandean olinpiar distantziako triatloia. Larunbatekoa oso gustura
egin nuen, eguraldia nahiko lagun izan genuen eta asko disfrutatu
nuen nire taldekako lasterketa batean. Hurrengo eguna psikologikoki
gogorragoa izan zen eguraldi txarrarengatik baina hala ere ondo
amaitu nuen lasterketa. Argi geratu zitzaidan hortik aurrera egingo
nuen guztia hobera izango zela.

Hurrengo hiru lasterketak
aste bukaera batean bildu nituen. Larunbatean Hondarribiako lehenengo
triatloi herrikoia eta ordu batzuk geroago taldekako triatloia sprint
distantzian. Biak oso gustura egin nituen, lehenengoan oso ondo
pasatu nuen. Hurrengo egunean Zierbenako lehenengo triatloi
olinpikoan beroak izugarri gogortu zuen proba baina zorionez
gauzatzea lortu nuen eta aste bukaera horretan erronka gogorra izan
zena gauzatzea lortu nuen.

Ekainaren 5ean izan nuen
azkeneko trialoi olinpikoa Ondarruko herrian. Oso gustura amaitu nuen
ia bi ordu eta erdi ostean. Bizikleta ez zitzaidan asko gustatu baina
hala ere emaitza eta ondorio positiboak atera nituen lasterketa
haretatik.

Hauxe izan da orain arteko
denboraldia. Emaitza edozein dela ere uste dut nahiko pozik egoteko
moduko lasterketak egin ditudala orain bakarrik puntu eta jarrai bat
ezartzea falta zait 2010 urte honeri.

8 egun falta


Txapelketa egingo den
ingurua

Gasteiz izango du gune
nagusitzat ekainaren 26an ospatuko den Distantzia luzeko Europako
triatloi txapelketak. Ez da sekretu bat hiri honetan bizi izan dudan
denboran maitemindu egin naizela. Bere handitasunean zerbitzu eta
azpiegiturek daukaten hurbiltasunaz, hiriak inguratzen duten
paisaiez, unibertsitate inguruan bizi den giroaz… Onartu beharra
daukat Gasteizek unibertsitate lehenengo urtean harrapatu ninduela
eta ezin izan naizela korapilo horretatik askatu.

Igeriketa Landa lakuan izango
da. Hiruki formako ibilbide bati bi bira eman beharko diogu. Agian
gune hau izan da Gasteizen bizi izan ditudan urteetan gutxien zapaldu
dudana, hiritik 25 kilometrora baitago eta horra heltzeko
azpiegiturak oso eskasak dira kotxerik ez izanez gero. Baina hala ere
leku oso erakargarria udaberriko edo udako egun bat igarotzeko dituen
zerbitzuengatik eta dagoen tokiarengatik.

Bizikletako ibilbidea oso
laua da. Arabar lautadatik igaroko da. Landatik irten eta Zalduondoko
herrira joango gara, hortik Agurainera eta nazional zaharretik
Gasteizera. Hiriburura sartu gabe Buesa inguruan bira egingo dugu eta
Landara berriro bigarren bira hasteko. Bigarren bira horretan
bizikleta Buesa Arenako inguruetan utziko ditugu eta korrikako
zapatilak jantzi korrikako azken sektoreari aurre egiteko. Bizikleta
zirkuitua eginda daukat eta esan dezaket oso laua dela. Bataz besteko
abiadura altuak lor daitezke haizeak errespetatzen badu eta zailtasun
teknikorik gabekoa. Probako zatirik “errazenak” dudarik gabe
igeriketa eta bizikleta.

Korrikako ibilbidea Salburua
parkean izango da. Hamar kilometroko hiru bira eta Buesa Arena
pabiloitik barrenetik igaroko da. %50 pista eta % 50 asfaltoa. Bertan
korrika saioren bat edo beste eginda ditut. Eguzkia egiten badu
badaude itzalguneak baina ez dira ugari hauek. Jendearen animoak
inoiz baino beharrezkoagoak izango dira probako zati honetan. Amaiera
benetan polita izango da, Europa mailan dagoen saskibaloi talderik
onenetakoaren etxean eta hainbat gau magiko oparitu digun lekua.