Aloñako igoerarik gogorrena

Gaur goizean Oñatin Aloñako III igoeran parte
hartu dut. Lasterketa hau urteko garrantzitsuenen artean daukat sartuta
(besteak Oñatiko Duatloi, Donostiako Maratoi erdia, Behobia-Donostia eta
Oñatiko San Silvestreak dira).

Iaz egin nuen denbora eta postua hobetzea
lortu dut.
Nire marka 10 minutu eskas hobetu dut eta 170. postuan amaitu. Aurten
gainera esan beharra dago parte hartzaile kopurua gainditu egin dela, 271
korrikalari irteeran.

Bero izan da nire etsai nagusia. Hasieratik
tenperatura altuekin irten gara eta bide gora joan ahala ez du asko freskatu. Igoera
gogorra izan arren, batez ere Urtiagainetik aurrera eta Gurutzera iritsi baino
azken kilometroa, indarra erabiltzen denez eta gainera iristea nuenez helburu,
tenperaturak ez dit egin min handia. Hori bai, iaz baino askozaz likido gehiago
edan behar izan dut ibilbide guztian zehar.

Baina jaitsiera igoera baino gogorragoa izan
da. Ni ez naiz oso trebea eta tenperatura altuak gogaitu egin nau momentu
batzuetan. Gainera ezker abduktorea asko kargatu zait Gurutzetik Belarrera eta momentu
batzutan ia geldirik nioan. Baina hala ere Oñatiko plazara iristea lortu dut
asko sufrituz eta oso pozik.

Herrian korrika egitea oso berezia da. Aste
batzuk lehenago hemen egindako lasterketekin gogoratzen naiz motibatzeko. Gainera
familia ikusteko aprobetxatzen dut.

Esan dezaket, bihar seguruenez izugarrizko mina izango dudala baina gaur
egindakoarekin oso pozik nago.

Erantzun bat “Aloñako igoerarik gogorrena” bidalketan

  1. Aloñako Igoerako antolatzailea

    Zorionak!!

    Zure denboria obeketia lortu bazeben sasoi onian zauzen seinale, atzo itten eben beruakin lortu zian denporak etzian onak izan eta.

    Lasterketako datu batzuk.

      264 Oñatiko plazako irteeran (279 apuntau, 15 agertu ere ez!!)

      251 Korrikalari Aloñako gurutzeraino heldu

      249 Txapeldun helmugan

      15 erretirau

    Hurrengo urtian obeto.

    Erantzuna

Utzi erantzuna

Zure e-posta helbidea ez da argitaratuko. Beharrezko eremuak * markatuta daude