Amaitu da eritasuneko baimena

Hogeita zortzi egun egin ditut fakulatea zapaldu barik: lau Galdakaoko Ospitalean, eta gainerakoa, etxean. Aldi horretan atsedena hartu dut, asko irakurri eta paseatu. Baina hori ere amaitu da, joan den ostiralean jaso nuen-eta senda agiria.

Atzo, eguraldi ona baliatuta, arineketan egitera irten nintzen. Poliki-poliki, 28 minutu egin nituen. Gustura eta pozik etxeratu nintzen.

Gaur, berriz, lehendabizi osasun etxera joan behar, odola ateratzera, eta gero fakultatera. Anjel Lertxundik atzo idatzitako zutabea etorri zitzaidan burura —Bileritis—, itzuli baino ez, hiru bilera izango ditut-eta. Ez dakit noiz egingo dudan lan.

Kategoria: Sailkatugabeak Etiketak , , . Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude