Citizendium

Wikipedia bezala, Citizendium ere entziklopedia bat da, wikian oinarritua eta irabaz asmorik gabea. Larry Sanger sortzaileak azaldu duenez —Larry Sanger izan zen, Jimmy Wales-ekin batera, Wikipediaren sortzailea—, badira hiru ezaugarri bereizten dituena Citizendium hori Wikipediatik:

  1. Citizendiumek eskatzen du bertan idazten duenak sinatzea bere izen-deiturekin, eta ez du onartzen anonimorik. Halaber, eskatzen dio bertan idatzi nahi duen guztiari biografia labur bat bidaltzea. “Era horretan, dio Sangerrek, badakigu norekin egiten dugun lan”.
  2. Entziklopedia horrek bereiztu egiten ditu oinezko idazleak, horiei ez die ezelako kualifikaziorik eskatzen, eta editoreak, zeinek erakutsi behar baitute esperientzia dutela eremu jakin batean. “Gure editoreek arikuluak onartu eta erabakiak hartuko dituzte edukien gainean. Hala eta guztiz ere, orpoz orpo egiten dute lan egileekin. Inork ez dio inori lanik agintzen; oraindik ere behetik gorako bidea da”.
  3. Proiektu horretan idazten duten guztiek sinatu behar dute kontratu moduko bat, non zehazten diren komunitatearen arauak. “Espero dugu jendea profesional moduan aritzea, baina baditugu zenbait lagun, ertzainak bezalakoak, behar izanez gero, bidaliko dituztenak endredamakilak pikutara”.

Citizendium orain urtebete inguru hasi zen, eta, Larry Sangerren hitzetan, dagoeneko baditu 4.200 artikulu. “2.000 idazle ditugu, eta 200 editore baino gehiago. Wikipediak bere lehen urtean baino hitz gehiago (…), eta ia ez dugu bandalismorik”.

Larry Sanger
Jimmy Wales eta Larry Sanger izan ziren Wikipedia proiektuaren sortzaileak 2001ean. Denborak aurrera egin ahala, berriz, Larry Sanger urrundu egin zen Wikipedia proiektutik. Behin eta berriz kritikatu du Wikipediak onartzen dituela ekarpen anonimoak, eta horrek kalte egiten diola entziklopedia librearen sinesgarritasunari. Azken urtean Citizendium delakoa sortu zuen, Citizen’s Compendium, Hiritarren Bilduma.

Kategoria: Sailkatugabeak Etiketak , , . Gorde lotura.

3 erantzun Citizendium-ri

  1. egilea: David

    Kaixo Joxe, David naiz Eteotik. Nahi nizún galdetu ea ezagutzen duzun beste blogeron bat Huhezin.
    Ondo segi

  2. egilea: Joxe Aranzabal

    Bai. Irakasleen artean Iñaki Larrea duzu. Teknohezkuntza izeneko bloga egiten du. Ikasleen artean, berriz, hortxe duzu The Indezents, Mikel Alvarez ikasle besasaindarraren bloga. Iaz Sustatu saria irabazi zuen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude