Otsailaren 6an Sopelako Ander Deuna ikastolako lagunen bisita izan genuen DBH 1eko ikasleen arteko elkartrukaketa burutuz. Oñati erakutsi genien eta udaberrian Sopela ezagutzeko irrikitan gaude.
Pasa den ostiralean, hilak 15, Oñatiko 3 pentsiodunen bisita izan genuen. Batxiko ikasleak parte hartu zuten hitzaldian pentsiodunek, beraien aldarrikapenaz eta eskatzen duten pentsio duinaren inguruan hitzegin zuten. Bestalde, hausnarketarako puntu paregabea izan zen gerora begira, pentsioekin gaur egun dugun arazoa, guztion arazoa izango dela azpimarratuz.
Ostiralean, otsailak 15ean, Elkar Hezi ikastetxeko Batxilergoko 1go eta 2.mailako ikasleek Oñatiko Pentsidun Duhinen aldeko mugimenduaren berri izateko aukera izango dute. Goizeko 10:00etan Santa Marinako eraikinean Ekonomia zein Enpresa ikasgaietan prestaturiko saioei bukaera emateko Jose Felipe Díez de Tuesta, Jose Antonio Amundarain eta Itziar Usandizagarekin elkarrizketan beraien kezka eta zalantzak argitu eta gure pentsiodunen aldarrikapenak zuzenean jasotzeko parada izango dute.
Atzo, otsailak 12, DBH 4ko ikasle taldea eta Batxi 1ko literatura unibertsaleko ikasleak Bilbon izan ziren kultura klasikoa eta literatura ardatz zuten bi jardueretan. Egun ederra pasatu zuten denek artea eta literatura unibertsalean murgilduta, eta asko ikasi zuten ere!
Otsailak 8 eta 9ko asteburuan, Estimulazio Goiztiarreko jardunaldiak izan genituen Elkar Hezi ikastetxean Nuria Sánchez-en eskutik. Formakuntza teoriko eta praktiko bidez, bertaratu ziren guztiek esperientzia bikaina izan zela azpimarratu dute.
Urtarrilaren 27an, Elkar Hezik ate irekien jaia ospatu zuen. Bertan, goizeko 11tan hasita, guraso berriei eskolaren antolamendua eta proiektuez hitzegin zitzaien eta eskola-eraikina ikusteko aukera izan zuten. Honetaz gain, 12tan, POTX eta LOTXen emanaldi berezi bat izan genuen HH eta LHko haurrentzat. Kantuan eta dantzan guztiok bikain pasatu zuten. Ordu berean hasita, gaztetxoendako scratch programazio ikastaroa izan zen eta 1tan, salda eta txorizoa Gasca-ren eskutik. Eguraldiak asko ez lagundu arren, goiz borobila izan zen eta bertaratu ginen guztiok ederki ospatu genuen.
Urtarrilak 11, NONDIK enpresarekin espazioaren berrantolaketaren inguruko formazio saioa izan genuen Elkar Hezin. Ikastetxeko espazioaren berdisienua eta eskolako proiektuen bideragarritasuna bateratuz, proposamen ezberdinak jaso eta konpartitu genituen. Prozesu partehartzailea izanik, Elkar Heziko komunitatea osatzen dugun irakasle ta gurasook ere, izan genuen zer esan eta pentsatu. Ostiralean izandako lehen formazio-saioak jarraipena izan zuen hurrengo asteetan antolatu ziren bi saio gehiagotan.
Aurreko urtarrilaren 15etik 22ra, Lehen Hezkuntzako hirugarren zikloko ikasleek Heziketa Afektibo Sexualaren formakuntza ikastaroa izan zuten. Talde bakoitzak bost ordutako tailerra burutu zuen. Saioak teorikoak izan ziren, gela barruan. Ikasleek jasotako informazioa haien adinera egokituta egon zen. Kontutan izan behar dugu, gai honen inguruko informazioa modu egoki batetan helaraztea oso garrantzitsua dela neska-mutikoentzat eta hori badela helduok egin beharreko lana. Gurasoek, alde batetik eta ikastetxeak, bestetik gure ikasleen formazio integrala bultzatu behar dugu. Irakasle taldeak, formazioaren balorapena burutuko du, gure helburua ikasleei ahalik eta prestakuntzarik osotuena eta egokiena eskaintzea delako.
Aurreko urtarrilaren 15etik 22ra, Lehen Hezkuntzako hirugarren zikloko ikasleek Heziketa Afektibo Sexualaren formakuntza ikastaroa izan zuten. Talde bakoitzak bost ordutako tailerra burutu zuen.
Saioak teorikoak izan ziren, gela barruan. Ikasleek jasotako informazioa haien adinera egokituta egon zen. Kontutan izan behar dugu, gai honen inguruko informazioa modu egoki batetan helaraztea oso garrantzitsua dela neska-mutikoentzat eta hori badela helduok egin beharreko lana. Gurasoek, alde batetik eta ikastetxeak, bestetik gure ikasleen formazio integrala bultzatu behar dugu.
Irakasle taldeak, formazioaren balorapena burutuko du, gure helburua ikasleei ahalik eta prestakuntzarik osotuena eta egokiena eskaintzea delako.
