“Gogoratzen”, Anjel Lertxundi Berrian

Anjel Lertxundiren zutabea gaurko Berrian.

Gogoratzen?

Gogoratzen Iruña-Veleiako aztarnategitik iritsi zitzaigun albiste harrigarria eta haren ostean sortu ziren faltsutze-salaketa eta eskandalua? Gogoratzen zein familiarrak egin zitzaizkigun ostraka, grafito edo terra sigilata bezalako hitz eta espresioak? Gogoratzen auzia epaitegira eraman zutela? Laster zazpi urte beteko dira eskandalua lehertu zela, eta auzia isiltasunaren izararekin bilduta dago, sarkofago bat bailitzan, epaitegiko kanposantuan.

Gogoratzen Eliseo Gil arkeologoarekin? Batzuentzat faltsutzaile bat den bitartean, beste batzuek uste dute satsetan sortutako interes sasikoen biktima bat dela. Haren kontrako akusazioa instrukzio fasean dago oraindik. Zazpi urte eta gero! Eta auskalo noiz emango duten epaia. Justizia, itsua izateaz gainera, bada herren mantsoa ere. Injustua alegia: nekez uler daiteke auzia bera eta halako salaketak gainean dituen profesional bat hainbat urtez egotea epaileek zer erabakiko.

Kategoria: Sailkatugabeak. Gorde lotura.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude