Kategoriaren artxiboa: Abiapuntuko fasea

Bateratze saioaren kronika

Aste honetan egin dugu Arrasatek heziren bateratze saioa Kulturateko areto nagusian. Bateratze saio irekia izan da eta bertan, orain arte prozesuan parte hartutako eragileetako kideak elkartu gara, 50 bat pertsona guztira.

kronika9

Saioaren lehenengo zatian interes talde desberdinetatik jasotako ekarpenetatik ateratako ondorioak azaldu dira, herritarren galdetegietatik eta haur, nerabe eta gazteen saioetatik ateratakoak nabarmenduz.

Ondoren horiek prozesuan zehar burutu diren parte hartze saioetatik lehenetsitako ildo eta printzipioekin aurkeztu dira.

Lehenetsi diren hiru ildoak azaldutakoan dinamikara pasatu gara. Parte hartzaile bakoitzak hiru ildoetatik bat aukeratu behar izan du eta horrela adostu dugu zein izango den Arrasatek Heziren lehentasunezko lan ildo nagusia: hiri antolamendua.

kronika4

Ondoren talde txikitan jarri eta ildo nagusiaren azpi-ildoez aritu gara.

kronika10

kronika1kronika7

Saioaren hirugarren atalean aurrera begirako urratsak kokatu dira eta partaide bakoitzak saioaren balorazioa egin du.

kronika6

Bateratze saioari amaiera emateko, giro ezin hobean mokadutxoa egin dugu Kulturateko klaustroan.

kronika3

Hezkuntza ez formaleko eragileen bigarren saioa

Hezkuntza ez formaleko bigarren saioa ere egin dugu. Lehenengo saioan beste jende hurbildu da eta orokortasunetik zehaztasunerako bideari ekin diogu.

IMG_0097

 

Hezkuntza formaleko saioan bezala kolektibo desberdinen 3 saioetatik jasotako ekarpenak multzokatuta aurkeztu dira eta tartean ildo horietan printzipio edo zehar-lerro izan daitezkeenak ere.

 

IMG_0100

Aurkezpena eginda talde txikitan jarri eta partaide bakoitzari azaldutakoari ekarpenak  osatzeko eta 3 ildo lehenesteko eskatu zaio.

IMG_2338

Ondoren talde txikian ildo horien adostasun maila gutxienekora iristeko ahalegina egin da eta amaitzeko talde txikietako lana beste taldeekin partekatu da.

IMG_2335

 

Ez da lan erraza izan, agertzen diren ia ildo guztiek behar berebizikoa dutelako eta elkarren artean lotura handiak egin daitezkeelako.
IMG_2340

Hezkuntza Formaleko eragileen bigarren saioa

Gaurko saioa, Hezkuntza formaleko bigarren saioa izan da. Aurrekoan bezala, jende asko hurbildu da eta orokortasunetik zehaztasunerako bideari ekin diogu.

IMG_0075

Kolektibo desberdinen 3 saioetatik jasotako ekarpenak multzokatuta aurkeztu dira eta tartean ildo horietan printzipio edo zehar-lerro izan daitezkeenak ere.

Horiek osatzeko ariketarekin batera, 3 ildo lehenestea eskatu zaio partaide bakoitzari eta talde txikitan ildo horien adostasun maila gutxieneko batera heltzea. Ondoren, beti lez, talde txikietako lana beste taldeekin partekatu da.

Ez da lan erraza izan, agertzen diren ia ildo guztiek behar berebizikoa dutelako, baina orokortasuna lantzeko ezinbestekoa ikusi da ildoen konkreziora salto bat ematea.

IMG_0073

 

Eragile Sozialen lehen saioa

Asteazken honetan, Arrasatek Heziko parte hartze prozesuaren saioa izan dugu Arrasateko eragile sozialekin. Ordu eta erdiko saioa egin da arratsaldean eta 14 pertsona elkartu gara: AED, Arrasateko Gaztetxea, Auzoko, Ekin emakumeak, Elkarhezitzen, Goieneche fundazioa, Nagusilan eta TTak gazte taldea eragilekoak.

 1416415707607

 Hezkuntza Formaleko eta ez formaleko eragileekin egin bezala Arrasatek Hezi ekimenaren markoa azaldu eta parte hartze prozesuaren planteamendua elkarbanatzetik hasi gara. Aurretik izandako elkarrizketetan jasotako ekarpen zein ideiak abiapuntu hartu ditugu, ondoren talde txikitan horien inguruan hitzegiteko eta beste kezka zein erronkarik balego, identifikatzeko. Taldetan landutakoa, komunean jarrita bukatu dugu saioa.

12 1930

 

HEZKUNTZA EZ FORMALEKO ERAGILEEN LEHEN SAIOA

Aurreko astean Hezkuntza Formaleko Eragileekin abiatu genuen Arrasatek Heziko parte hartze prozesua  eta aste honetan Hezkuntza Ez Formaleko eragileekin lan egiteko unea iritsi da. 21 pertsona elkartu ginen asteazken goizean: AEK, Ardatz akademia, Arizmendiko Hezkuntza ez formala, Arrasate Musikal, Arrasateko Udal Euskaltegia, Athlon, Gazte Bulegoa, Goiena Nagusi, Hezi-hazi akademia, kale hezitzailea, Kultura saila, Sexologia zerbitzua, Txatxilipurdi, Udal Gaztetxokoak, Udal Ludotekak eta Udalako Ingurugiro eskola.

 

bigarren saioa_1

Hezkuntza Formaleko eragileekin egin bezala Arrasatek Hezi ekimenaren markoa azaldu eta parte hartze prozesuaren planteamendua elkarbanatzetik hasi ginen. Ondoren, aurkezpen bileretako elkarrizketetan jasotako ideietatik abiatuta talde txikian elkartu ginen lanerako. Arrasaten hezkuntza ikuspegitik ditugun kezkak eta erronkak identifikatutakoan, landutakoak talde handian elkarbanatuz amaitu genuen saioa.

Lehen saioa: Hezkuntza Formala

Arrasatek Hezi ekimena martxan da eta atzo egin genuen lehenengo saioa Kulturateko Jokin Zaitegi gelan. Lehenengo saio honetan Hezkuntza Formaleko eragileak elkartu ginen. Arrasaten Hezkuntza Formalean dauden erakunde guztiak egon ginen bertan, langileak eta zenbait guraso tartean: Arrasate Helduen Eskolakoak, Arrasate Herri Eskolakoak, Arizmendi ikastolakoak, Arrasateko Institutukoak, Eskola Politeknikokoak eta Lanbide Hastapenekoak. Talde sustatzaileko kideekin 35 lagun guztira.

IMG_2096

Lehenengo saioa, Arrasatek Hezi ekimenaren oinarrietara lehen hurbilpena egin, eta eragileekin aurreko asteetan egindako aurkezpen bileretan jasotakoak elkarbanatzen hasi genuen. Ondoren, dinamika baten bidez talde txikitan elkartu eta azaldutakoen inguruan sakondu genuen, ikuspegi hezitzailetik Arrasateko kezka/erronkak identifikatzen hasteko.

IMG_2105

Orokorrean ekimena abiatzea eta saioa bera positiboki baloratu zen.

 

Arrasatek hezi ekimena aurkeztu da

Hezkuntza, edozein herri edo komunitatetan esparru berebizikoa da. Heztea, baina, ez da soilik eskolaren edo familiaren betebeharra, gizarte osoarena baizik.

Egun, hezkuntza prozesu iraunkor bezala planteatzen da gure bizitzetan eta honetan eragile ezberdin askok parte hartzen dute. Prozesu hori, herritarrak elkarbizitzen ari diren esparruan, herrian, ematen da. Beraz, herria eta herritarrak dira eragile hezitzaile eta hezkuntza proiektu komunitario baten partaide potentzialak.

Horren garrantziaz jabetuta eta beste herri batzuetan landutako esperientziak kontuan hartuz, datozen hilabeteotan, modu propioan, Arrasate herri hezitzaile izateko bidea elkarrekin landu nahi dugu proiektu komunitario gisa, denboran iraunkorra izateko intentzioarekin.
Arrasatek Hezi aurkezpena

Parte hartze prozesu laburra, interaktiboa eta emankorra izatea nahi dugu, hori dela eta herriko eragile desberdinei luzatu zaie gonbidapena, bakoitzak bere ikuspegia eman dezan. Herriaren errealitateari buruzko diagnostikoa egin, proposamenak jaso eta aurrera begirako ekintza plana zehazteko iritzi eta ikuspegi guztiak beharrezkoak baitira.

Abiapuntuko sustatzaileak, Arrasateko Udala, Txatxilipurdi eta Bagara elkarteak diren arren, Arrasateko eragile desberdinak eta herritarrak protagonista aktiboak izatea da helburua.

Aurkezpena komunikabideetan:

Goienan: http://goiena.eus/arrasate/1414508271436

Mondraberrin: http://mondraberri.com/mondraberri/contenidos.item.action?id=2134384&menuId=8929289&onlypath=true

Diario Vascon: http://www.diariovasco.com/alto-deba/201411/02/arrasatek-hezi-iniciativa-para-20141102012406-v.html

Noticias de Gipuzkoan: http://www.noticiasdegipuzkoa.com/2014/11/02/vecinos/debagoiena/herria-ikuspegi-hezitzailetik-hobetzeko-arrasatek-hezi-proiektua-bultzatu-dute