FINANTZAK BLOGEAN

Unibertsitatean behin baino gehiagotan izan ditut finantzak lantzen dituzten ikasgaiak; hasiera batean ez nituen oso gogoko, beti nahiago izan ditut matematika edo ta programazioa jorratzen dituztenak.

Aurtengoan irakasle berri bat izan dugu eta berak proposaturiko programa guztiz ezberdina izan da, egunerokoak ikusi izan ditugu eta adibideak ere horrelakoak izan dira; azken batean ikasleengan nolabaiteko motibazioa eta interesa piztea lortu izan du; nire kasuan behintzat bai.

Azterketa egunean ez nuen azterketa borobilik egin, are gehiago ez nuen azterketa gainditu, baina irakaslearekin hitz eginez akordio batetara iritsi ginen, irakasgaia blog baten bidez lantzea. Berak hurrengo urtean sistema hau erabili nahi baitu, baina ikasle guztiekin probak egin baino lehenago, talde txiki batekin probak egin nahi zituen, horrela esperientzia izango du eta nik ere nahiago dut era honetan irakasgaia landu.

Badirudi 2.0 irakaskuntza geroz eta nagusiago dagoela gaur egun, horren adibide kontaturiko pasartea; ez hori bakarrik irakaslearekin lasai asko, twitter edo ta beste  web 2.0 baliabideen bidez hitz egin dezaket 🙂 Amaitzeko, hona hemen sorturiko bloga: FinanzaSocial nik uste gaiak nahiko argi azalduta daudela, baina nire helburua norbaiti informazioa baliozkoa izaterena da, nik behintzat zeinbait gauza ikasi ditut.

TREN BERDEA HONDARRIBIRA HELDU DA

Nahiz eta une honetan Bilbon egon eta kriston euriteak ditugun, internet bidez honako berria irakurri dut, Hondarribiari buruz:

Hondarribiko Udalak hiria bisitatzeko beste gailu bat jarri du abian: tren berdea. Larunbatero Hondarribia ikusteko beste aukera bat izango du horrela hiritarrak eta bisitariak. Ekimen berri honen aurkezpena gaur goizean egin da Udaletxean, Gregorio Berrotaran Landa Garapeneko zinegotzia, Maite Pelaez Turismoko zinegotzia eta Juan Cruz Alberdi Behemendiko gerentea izan diren ekitaldi batean.

“Duela urte batzuk geunden horrelako ekimen baten atzetik” esa ndu Gregorio Berrotaranek. “Trenak garraiobide berri bat izan nahi du gure herria beste era eroso eta desberdin batean ikusteko. Larunbatero aterako da larunbata honetan hasi eta irailaren 11 arte. Portutik igaro ondoren La Muelan geldialdi bat egingo du, handik gora Higereko itsasargira. Guadalupera iritsi ondoren, beherunzko bidea hartuko du. Berriro Portutik pasa beharrean, Baserritar Etorbidetik joango da, Madalen Karrikako eskaileren gainekaldean geldialdi bat egingo da, eta handik berriz San Juan de Diosera bueltatuko da”.

Ordutegiei dagokienez, Maite Pelaezek argitu duenez, “goizetan 10.00etan eta 12.00etan aterako da San Juan de Dios-eko biribilgunetik eta arratsaldetan 16.00tan eta 18.00tan. Guadalupetik aldiz, 11.00tan, 13.00tan, 17.00tan eta 19.00tan aterako da. Igo eta jaisteak bi euro kostako du, baina euro bat ordainduta Guadalupera igo daiteke eta oinez jaitsi, edota han egonda behera jaitsi trenzan. 30 pertsona eraman ditzazke trenak bidaia bakoitzean”.

Poliki-poliki doaz gauzak Hondarribian baina ilusio handiz jasotzen ditut horrelako berriak, badirudi herria geroz eta “orlegiagoa” izango dela; baina nik martxan ikusi nahi dut trena, biztanleek erabil dezatela eta zergatik ez, asteburuetan datozen bisitariek ere. Baina ene buruari galdetzen diot, guzti hau herria hobetzeagatik edo dirua lortzeagatik egin ote dute? Ez dut gaizki pentsatu nahi.

BILBO, IKUSIKO DUGU ELKAR

Ikasketak aurrera doaz, denborak ere aurrera egiten du eta honekin iritsi beharreko momentua heldu da; Bilbo uztekotan nabil.

Bilbora Errealak Txapeldunen Liga jolastu zuen garaian etorri nintzen, gogoratzen dut bai Unibertsitatean kale egindako lehen klaseak Greziara joan izatearen kausa; beranduago 3-0 galdu genuen San Mamesen eta beranduago Bigarren Mailara jeitsi zen Erreala. Orain, Lehen Mailara igotzekotan gaude eta nik Bilbo utziko dut; behintzat behar duen lekuan utziko dut.

Polita izan da Bilbon ikastea, pertsona eta lagun asko ezagutu ditut, baita leku bitxiak ere; Kafe Antzokia ederki asko ere ezagutu dut, haiek garaiak Azkunak itxi nahi izan zuenean, orduan konturatu nintzen zenbat maite nuen Kafe Antzokia. Bilbo asko aldatu da, iritsi nintzenean Tranbia egiten ari ziren, Unibertsitatera behintzat ez zen iristen, gogoratzen ditut Ria 2000 eta bertako lanak. Ez zegoen Zubiarterik, hau egiten ari zirela, zenbait okupa bertara igo ziren protesta moduan.

Olabeagako Gaztetxea itxi eta irekierak, FANT Zine Jaialdiko zenbait edizio, Doctor Deseok zenbait disko atera izan ditu Bilbon egon naizen bitartean, Athleticek ere bere gai on eta txarrak izan ditu, gogoan dut ia ia nola Errege Kopa irabazi zuten; a zer nolako eromena Pozasen; azken urtean Europe Leaguen izandako istiluak. San Mamesen bakarrik bitan izan nahiz, bata Erreala ikusten eta bestea Sevillaren aurka, Ligako partidan lasai, ez nuen Errege Kopako finalerdietara joateko aukerarik izan.

Bilbora iristerakoan ez zegoen Fever edo Santana27rik, baina hala ere ez dut asko maite; nahiago ditut Bilbi edo ta San Frantzisko kaleko tabernak, horixe baita Bilboko gaua. Bai, oraindik ez dut Bilbo utzi baina nolabaiteko nostalgia daukat jada, eramusa bukatzen zaion ikasle atzerritar bati amaitzen zaion moduan.

Hala ere oroitzapen onak gordeko ditut, hiri honetan bizi izan ditudanak liburu bat egiteko modukoak baitira, hala ere ez dut agurrik esan nahi, gero arte; besterik ez. Batzuetan garai batzuk bukatzen dira eta beste garai batzuk iristen dira, oraingoan Bilbori gero arte esango diot, baina seguru elkar ikusiko dugula.

FANT, BILBOKO ZINEMALDI FANTASTIKOA

Badator urtero bezala Bilboko Zinemaldi Fantastikoa, FANT egia esan behar baldin badut ez nahiz urtero pasa izan, batzuetan ezinezkoa izan dudalako ordutegiak direla eta; baina aurtengoa maiatzaren 3tik maiatzaren 9ra ospatuko dela kontuan izan da; asteburua izango dut planninga antolatzeko.

Webgune ofizialean programa guztia dago, .pdf formatuan, posiblea da, triptikoa – eskuko moduan – jeistea edo ta programa guztia – bertan informazio gehiago dago – jeistea.

Duela urte batzuk pasa izan ginenean filma ingelesez jarri zutela, eskerrak azpitituluak zituela zeren bestela ez nuke askotxo ulertuko; oraingoan behintzat denboraz ikusiko dut zein hizkuntzatan emango dituzten filmak. Badirudi dohako nahiz ordaindu beharreko pelikulak daudela, hala ere, prezioak ez dira oso altuak 5€ inguru – asteburuan kalimotxoren bat gutxiago hartuta, ez duzu arazorik izango –

Orain eguzkia gogor dabilela, Bilbon aldean behintzat 31ÂșC – 35ÂșC egin ditu gaur, non hobe zine areto txiki batean film bat ikusten baino? Denbora eta gogoa izanez gero, badakizue, Bilbon Zine Fantastikoa ikusteko aukera dago.

HONDARRIBIARA MUSIKAZ GOZATZEKO AITZAKIAREKIN

Behin baino gehiagotan hitz egin dut Hondarribian ospatuko den Olearso Festibalari buruz; Berri Txarrak, Sexty Sexers edo ta Senser bezalako punta puntako musika taldeak izango ditugu maiatzaren 1ean; oraindik ez duzula sarrerarik? Azkar ibiliko nintzateke etortzeko intentzioarekin bazabiltza.

Oraingoan uztailaren 8tik 11ra Hondarribian izango den musika ekitaldiaz hitz – idatzi hobe esanda – egin nahi dut; Hondarribia Blues Festival 2006an ospatu zen lehen edizioa herriarentzat gauza berria zen eta nik behintzat garai hartan ez nuen Blues musika askotxo ezagutzen; hala ere, jaialdira hurbiltzea erabaki nuen, ea zer nolako musika zegoen, jendea giro etab ikusteko. Oso ongi pasa nuen, gainera dohako jaialdia zen eta musikari dagokionez talde potenteak egon ziren, Blues munduan behintzat – hala ere, berriro diot mundu horri buruz ez nuela ideia handirik -.

Urtez urte, Hondarribiako Blues Festival aurre eraman dute, geroz eta talde hobeagoak ekarriz eta gero eta ospe handiagoa lortuz, pasa den edizioetan atzerriko jendea ikusi genuen jaialdira gerturatu zen jendearen artean; ez dakit herria bera, – oso polita dena, eta gehiago uda partean eguzkia bertan dagoenean – pintxoak jateko aukera, edo ta dohako kriston musikaz gozatzeko aukera izango den; baina egia da, urtez urte jende gehiago hurbilzen dela.

Aurtengoan datak aldatu dituzte, ez da besteetan bezala abuztua partean ospatuko, baina seguru asko jende asko hurbilduko dela berriro ere, musikarien zerrenda nahiko luzea da, baina hona hemen gure herritik pasako diren baten batzuen izenak: Magic Slim, Solomon Burke, Pinetop Perkins etab.

ERREPIDEEN INFORMAZIOA ZURE MUGIKORREAN

thecodefarmekoak gogor ari dira lanean, horren adibidea dugu joan den asteburuan ospatu zen AbreDatos ekitaldian aurkezturiko lana; infocarretera.com.

Nik ez dut internetera konektatzen den mugikorrik, eta nire egunerokoak, gehienak behintzat oinez egiten ditut. Baina kotxea edo autobusa maiz erabiltzen baduzu eta internetera konexioa duen mugikorrik izanez gero, seguru infocarretera ongi etorriko zaizula.

Zenbat bider aurkitu zara autobidean istripua dagoela, edo ta kriston kotxe pila edo ta hobe izango zela lagun hark gomendatu zizun beste bide hori hartuko bazenu? Akaso beranduegi zeren ezinezkoa duzu momentuan informazioa ikustea. Horixe da infocarreterarekin ikus dezakeguna, errepideen momentuko egoera. Horretarako zenbait baliabide erabiltzen ditu, esaterako Eusko Jaurlaritzak duen trafikoa.net webguneko datuak; baina hauek mugikorrean modu hobeago eta azkar batean ikusteko aukera eskeintzen du. Bestalde gmail/gtalk edo ta twitter bidezko laguntza eskaintzen du, eta hori guztia gutxi balitz API Publikoa atera berri dute.

Badirudi iPhone nahiz Android mugikorretan nahiko ongi dabilela, nik behintzat horrelako mugikor bat izanez gero eta Euskal Herriko errepidetan gora behera ibiliko banintz, argi daukat dohako zerbitzu hau erabiliko nukeela. Orain ulertzen dut zerk bultzatu dien thecodefarmekoei horrelako zerbait egitera, gasteiztarrak izatea eta Bilbora iristeko noizean behin elurteak bizi izana? Nork daki, baina nik uste hortik datorrela asuntua.

GURE ORDENAGAILUKO SEGURTASUNA

Jakina da informatika munduan ez dela 100%eko segurtasuna existitzen, baina etxeko erabiltzaleei zenbait gomendio emateko atrebentzia egingo dut.

Lehen gomendioa, ordenagailuan sistema eragile moduan windows baduzu, Ubuntu jartzea. Gaur Ubuntu ordenagailuan jartzea nahiko erraza da eta ez ditu garai bateko arazoak, bada windows instalatzea baino errazagoa dela esaten duenik ere.

Demagun nahi-ta-nahiez windowsekin lan egin behar duzula eta ezinezkoa zaizula Ubuntu bezalako sistema libre batera pasatzea, argi dago gaur egungo, virus, malware, spyware edo ta troyano gehienak internet bidez zabaltzen direla. Zenbat ordu pasatzen ditugu gaur egun internetera konektatuta? Jada ez dira diskette bidez ordenagailuak kutsatzen, sare bidez kutsatzen gara.

Interneteko nabigatzailearen azken bertsioarekin ibiltzea gomendatzen da, badirudi Internet Explorer ez dela oso segurua, nahiz eta azken bertsioan – 9. jada – askoz seguruagoa dirudi. Nik Mozilla Firefox + NoScript gomendatzen dut, bi hauek modu oso azkarrean konpontzen baidituzte beraien segurtasun arazoak; bestalde Google Chromerekin ere internet bidez nahiko azkar eta seguru ibiltzeko aukera izango dugu, baina Firefoxekin pertsonalizazio maila handiagoa da, batzuek Googlerena nahiago dute, besteek Mozilla.

Interneten jada nahiko seguru ibil gaitezke, hala ere gomendagarria da ere, Firewall bat izatea. Dohakoak direnak ere mila aukera aurkituko ditugu, hala ere, nahiko esperientzi onak izan ditut, Outpost Firewall edo ta Comodo Internet Security (azken honek antibirusa ere badakar).

Ordenagailua nahiko motel dabilela ikusiz gero, hoberena eskura CCleaner izatea, bertan dugun “zaborra” kenduko baitigu. Oso gomendagarriak dira ere, malwarearen aurka, malwarebytes-antimalware eta ad-ware.

Amaitzeko nahiko gomendagarria iruditzen zait online bidez dabilen antivirus bat erabiltzea, nik ESET Online Scanner erabiltzea gomendatzen dut, nahi izanez gero ordenagailuan ere antivirus bat jar daiteke, baina aurreko kontseiluekin nik behintzat ez dut beharrezkoa ikusten, beti ere argi badugu zer egiten dugun gure ordenagailuarekin eta zenbaitetan lehen aipaturiko internet bidezko scannerra pasatuz gero.

OLEARSO FESTIBAL 2010

Badator berriro ere Hondarribira duela bi urte egin zuen moduan, Olearso Festibal 2010.

Oraingoan egun bakarreko jaialdia izango da, maiatzaren 1ean hain zuzen ere, baina bertan egongo diren taldeak ez dira ahuntzaren gauerdiko eztula; hona hemen zerrenda:

 # Berri Txarrak

# Sexty Sexers

# Surfin Kaos

# Senser

# Loquillo

# Estricalla

Hau guztia Hondarribia bezalako herri polit batean eta 23 edo ta 25 euroren truke; oraindik ez dakizu zer egingo duzun maiatzaren 1ean?

UNIBERTSITATEA AMAITZERAKOAN ZER?

Unibertsitatean zenbait urte daramatzat, hau dela eta nirekin hasi ziren zenbait ikasle eta lagunek ikasketak amaitu dituzte; beste batzuk aldiz buru belarri ikasketen munduan jarraitzen dugu.

Denetarik ezagutu dut, Unibertsitateko ikasketak amaitzean bertan doktoretza programak egiten daudenak, enpresa handietan lanean hasten direnak, bekadun moduan nahiz eta lan baldiltzak oso onak ez izan baina bertan gelditzeko ilusioaz eta bere kabuz enpresa sortzen dutenak.

Azken kasu honetan hiru modu ezberdinetakoak ezagutu ditut:

Lehenak gasteiztarrak dira, dirudienez businnes-angel edo ta inbertsore bat aurkitzeko aukera izan zuten, proiektua interesgarria iruditu zitzaion eta dirua mahai gainean jarri zuen. Posiblea da ere enpresa DeustoKabi bezalakoekin sortzea, baina azken honekin lortzen den askatasuna ez da thecodefarmekoek duten bezain handia; guzti honek bere abantaila eta desabantailak dituelarik.

Wild Nacky Bizkaia Creativa jardunaldietan saria jaso izan berri du, oraindik ez dute produkturik merkatura atera baina propotipoak ederki asko landu dituzte; doidoi esaterako.Ilusioz hasi den talde gaztea eta sare sozialei esker produktuaren berri ematen ari dena.

Inmediatech duda gabe talde gazteena, oraindik ikasten dabiltzan informatikariek sortutakoa; hala ere beraiekin Unibertsitateko irakasle bat dabil buru belarri.

Hiru proposamenak aztertuz gero, argi dago teknologia berrietan sartu direla buru belarri, batzuk Could Computing delakoan eta bestea mugikorren munduan, Android sistema eragilearekin hain zuzen ere; kontuan izan behar da, Could Computing, Web 2.0 eta Android erabat erlazionatuta daudela.

Oraindik ez dut Unibertsitatean amaitu, baina askoz interesgarriagoa iruditzen zait enpresa bat aurrera ateratzea, enpresa handi batean zenbaki bat izatea baino.

DEUSTUKO JAIAK 2010

Badatoz berriro ere, Deustuko Jaiak 2010. Hona hemen programazio guztia:

MARTXOAK 12 OSTIRALA

17:00etan
ARTISAU PRODUKTUEN AZOKAren irekiera eta inaugurazioa Done Petri/San
Pedro plazan (1. gunean), gaueko 21:00ak arte.

20:00etan
Txupina eta pregoiaren irakurketa Done Petri/San Pedro plazan (1.
gunean). Ondoren, txosna gunera jaitsiera Deustuko gaitari eta ONDALAN
erraldoien konpartsaren animazioarekin.

Hau, Konpartsa eta
koadrilen I. Txapelketaren lehenengo froga izango da. Zatoz zure
koadrilarekin eta parte hartu!!!!! Puntuak koadrila edo konpartsa
animatuenari.

Bukatzean, txosnetan (4.gunean) luntx
herrikoia.

20:0etan kontzertua Gazte Lokalean

22:00etan
Kontzertuak txosna gunean (4. gunean):

Elfo Negro,
Theriftrackers, Mambabeat.

.
MARTXOAK 13 LARUNBATA

11:00etan Diana eta txupina Deustuko
gaitariekin Deustuan zehar.

11:00etan ARTISAU PRODUKTUEN
AZOKA Done Petri/San Pedro plazan (1. gunean) (11:00-14:30 /
17:00-21:00)

12:00etan Deustuko PAELLA TXAPELKETA ospetsua
hasiko da Done Petri/San Pedro plazan (1. gunean)

15:00etan
Paellen aurkezpena, sari banaketa eta herri bazkaria

16:00etan
Bertsolariak: Hamaika bertute

Konpartsa eta koadrilen I.
Txapelketaren 2. froga izango da. Zatoz zure koadrilarekin eta parte
hartu!!!!

17:30etan ANNE MONNA, OSKOLA ETA KARRAMARROI

18:30etan
ESKOLEN ARTEKO TXAPELKETA Herriko kirolak (1. eta 2. maila) Botika
Zaharreko parkean (2. gunean)

19:30etan SUZKO ZEZENA botika
zaharreko parkean (2. gunean)

20:00etan San Jose eguneko
emakumeen aurreskuaren entsegu orokorra egingo dugu, Done Petri/San
Pedro plazan (1. gunean)

20:00etan kontzertua Gazte
Lokalean

20:30etan Guk geuk dantzatzeko momentua iritsi da
plazan egongo den euskal ERROMERIAN Done Petri/San Pedro plazan (1.
gunean)

22:00etan Maketa lehiaketaren irabazleak eta
ondoren berbena AMAIUR taldearen eskutik txosna gunean (4. gunean)

MARTXOAK
14 IGANDEA

11:00etan Diana eta txupina Deustuko
fanfarrearekin

11:00etan ARTISAU PRODUKTUEN AZOKA Done
Petri/San Pedro plazan (1. gunean) (11:00-14:30 / 17:00-21:00)

11:30etan
Euskal ezkontza San Pedrorik hasita

12:00etan UDAL
BANDAren kontzertua Done Petri /San Pedro plazan (1. gunean)

12:00etan
UMEENTZAKO TAILER KULTUR ANITZA Botika Zaharreko parkean (2. gunean)
AMARU ELKARTEAREN LAGUNTZAREKIN.

12:30etan UMEENTZAKO III.
ZIBA txapelketa Botika Zaharreko parkean (2. gunean) Deusto Bizirik
elkarteak antolatuta.

12:30etan DANTZA IKUSKIZUNA (Jazz
Funky, Hip-Hop, Danza Oriental, Danza ClĂĄsica, Danza Creativa, …)
ARTEBI eskolako ikasleen eskutik Botika Zaharreko parkean (2. gunea)

13:30etan
Tailerren bukaera, eta ZIBA txapelketaren SARI banaketa

17:00etan
Dardo Txapelketa(Niza Tabernan)

17:30etan umeentzako PLAY
BACK txapelketa Botika Zaharreko parkean (2. gunean).

epaimahaiak
irabazleak aukeratzen dituen bitartean…ENSAYO akademiako Danza
Modernoko ikasleek erakustaldia egingo digute.

18:00etan
KANP berbena zoragarria Done Petri/San Pedro plazan (1. gunean).

MARTXOAK
18 OSTEGUNA

18:30etan Gazte Lokala eta Goikoaldeen arteko
tira-birak herri kirolak praktikatzen gaindituko dituzte.

20:00etan
KOADRILA eta KONPARTSEN arteko txapelketarekin jarraituz, orain dantza
egitea tokatzen zaigu playback txapelketan.

PLAY BACK
txapelketa ospatuko dugu!!!

21:30etan Lehenengo eta behin,
MISTER JAM eskolako ikasleek, ikasitakoa erakutsiko digute. Ondoren eta
00tik aurrera DJ Bull (4.gunean)

MARTXOAK 19 OSTIRALA San
Jose eguna

11:00etan Diana eta txupina Deustuko
gaitariekin.

12:00etan Deustuko udal korporazioa, San
Felitzisimotik, alkatea buru duelarik, Deustuko kaleetan zehar ibiliko
da kalejiran. Deustuarrok gonbidatuta gaude jantzi tipikoa soinean
hartuta bertan parte hartzera

13:00etan Emakumeen
aurreskua. Herriko kaleetatik kalejira amaitu ondoren, Done Petri/San
Pedron (1. gunean), Deustuko andreek antzinako ohiturari eutsiz,
aurreskua eskainiko dute.

Ondoren, indarra berreskuratzeko,
luntx herrikoia.

13:30etan pintxo txapelketa Gazte
egunaren egitarauaren barruan. (1. gunean)

15:00etan
Pintxoen aurkezpena (1. gunean)

16:00etan Ur Guda

16:00etan
Deustuko neskak v Paularrak

17:00etan Derby Peña Deusto v
Peña Atotxa

17:00etan PILOTA TXAPELKETA Iharra frontoian
(1. gunean)

18:00etan … eskutik, ohitura bihurtu den
amateurren arteko PILOTA PARTIDA izango da.

19:00etan
Futbolin txapelketa. ANTOLATZAILEA: KAR KAR

20:00etan
Gurpil poteoa Elektrotunarekin

20:00etan kontzertua Gazte
Lokalean

22:00etan Gaueko kontzertuak: Versen, Sirka,
Zesatek.

MARTXOAK 20 LARUNBATA

Pintxo Eta
koktel txapelketa(2.gunean)

11:00etan Diana eta txupina
Deustuko gaitariekin.

11:00etan Roller Txapelketa

11:00etan
ARTISAU PRODUKTUEN AZOKA Done Petri/San Pedro plazan (1. gunean)
(11:00-14:30 / 17:00-21:00)

11:00etatik aurrera, txapelketa
egun osoan zehar Deusto Bizirik elkarteak antolatua.

11:30etan
Erraldoien bilkurari hasiera emango diogu Deustuko anbulatoriotik
ONDALAN erraldoien konpartsaren eskutik

12:00etan
Umeentzako TAILERRAK eta PUZGARRIA Done Petri/San Pedro plazan (1.
gunean)

12:00etan TOMATE NAGUSIA sukaldaritza lehiaketa
Done Petri/San Pedro plazan (1. gunean). Ez ezazue huts egin!

15:00etan
Tomate txapelketako plater berezi eta originalen aurkezpena, sari
banaketa eta herri bazkaria.

17:30etan Mus Txapelketa (La
Tortillan)

Ondoren…KOADRILA eta KONPARTSEN arteko JOKUAK
txapelketaren barruan Done Petri /San Pedro plazan (1. gunean)

18:00etan
ENSAYO akademiako irakasleekin batera, koadrila eta konpartsen arteko
dantza txapelketa.

18:00etan ESKOLEN ARTEKO TXAPELKETA
Matrakan (5.eta 6. maila)botika zaharreko parkean (2. gunean)

19:00etan
umeentzako berbena botika zaharreko parkean TXORROMORROren eskutik (2.
gunean)

19:00etan ENSAYO akademiarekin batera, Salsa
erritmoak dantzatzeko ordua heldu zaigu.

20:00etan SUZKO
ZEZENA botika zaharreko parkean (2. gunean)

20:30etan Gazte
Lokalean

22:00etan TXIRRITXORRA txosna gunean (4. gunean)
eta ondoren TXIKIZIO

00:00etan EMAKUMEEK jasaten dituzten
ERASOEN AURKAKO ekimena txosna gunean (4. gunean)

MARTXOAK
21 IGANDEA

11:00etan Diana eta txupina Deustuko
gaitariekin.

11:00etan ARTISAU PRODUKTUEN AZOKA Done
Petri/San Pedro plazan (1. gunean) (11:00-14:30 / 17:00-21:00)

12:00etan
UMEENTZAKO TAILER KULTUR ANITZA botika zaharreko parkean (2. gunean)
AMARU ELKARTEAREN LAGUNTZAREKIN.

13:00etan Euskal dantzak
Gure Herria dantza taldea Done Petri/San Pedro plazan (1. gunean) .

14:00etan
Bazkaria

Ondoren…KOADRILA eta KONPARTSEN arteko karaoke
txapelketa

18:30etan jaiei amaiera emateko TOMATE ERREKETA
eta PARRILADA Done Petri/San Pedro plazan (1. gunean).